Апелациониот суд во Њујорк одби да го одложи судењето за граѓанска измама на Доналд Трамп, закажано за 2 октомври, откако поранешниот американски претседател го обвини судијата дека згрешил кога одбил да отфрли голем дел од случајот. Одлуката за одбивање на барањето на Трамп ја донела петчлената комисија на судот.
Комисијата ја донесе одлуката два дена откако судијата на државниот суд Артур Енгорон утврди дека Трамп и неговата семејна компанија упорно и лажно ги проценувале средствата и нето вредноста на Трамп за да добијат подобри услови за заеми и осигурување. Тужбата против Трамп беше поднесена во септември минатата година од државниот јавен обвинител, кој ги обвини него, неговите синови, Организацијата Трамп и други за измама со проценка на имотот.
Обвинителот бара казна од најмалку 250 милиони долари, забрана за Трамп и за неговите синови Доналд Јуниор и Ерик да прават бизнис во Њујорк и петгодишна забрана за Трамп и неговата организација да се занимаваат со комерцијални недвижности.
