Уапсени се четворица државјани на Руската Федерација во Екатеринбург кои планирале да извршат терористички напад со употреба на експлозивна направа на места за масовен собир на граѓани во Екатеринбург, соопшти прес-службата на ФСБ РФ.

„Федералната служба за безбедност на Руската Федерација приведе четворица руски државјани, родени во 2007 и 2008 година, кои ги делат идеите за терористичка организација забранета во Русија и кои планирале да извршат терористички напад користејќи импровизирана експлозивна направа на места за масовен собир на граѓаните на градот Екатеринбург“, се наведува во соопштението.

 

Прес-службата појасни дека двајцата уапсени учествувале и во палење на службениот автомобил на Главната управа на Министерството за внатрешни работи на Русија за регионот Свердловск.

Забележано е дека од нив биле земени компонентите на импровизирана експлозивна направа, како и комуникациска опрема со упатство за нејзина изработка.

 

ФСБ додаде дека во рамките на кривичниот случај покренат од Истражната управа на Русија за регионот Свердловск според дел 1 од член 30, дел 2 од член 205 („Подготовка за терористички акт“), дел 3 од член 222.1 („Нелегално складирање на експлозиви или експлозивни направи“), дел 2 од член 223.1 од Кривичниот законик на Руската Федерација („Нелегално производство на експлозиви или експлозивни направи“) собира докази за криминалните активности на уапсените.

Текстот Спречен терористички напад во Русија! Млади момчиња подготвувале масакр од огромни размери! е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ