Актерката Софија Вергара (52) блесна во заводлива облека на гламурозната забава организирана од „Венити фер“ по 97-то доделување на Оскарите.
Таа избра впечатлива креација на дизајнерката Селија Критариоти со длабоко деколте и стратешки шлицови кои дополнително ја истакнаа нејзината фигура. Целокупниот изглед го комплетираше со стилизирана фризура, елегантна шминка и одбран накит. На настанот таа се дружеше со нејзината долгогодишна пријателка и колешка од „Америка има талент“, Хајди Клум.
Меѓу многуте познати гости беа Рики Мартин, Сиднеј Свини, Џесика Алба, Џеф Безос и Лорен Санчез. Првата забава за Оскар на „Венити фер“ се одржа во 1994 година и со текот на времето стана еден од најпрестижните настани во Холивуд.
Вергара неодамна поттикна гласини за романса со Луис Хамилтон, но извори блиски до актерката тврдат дека таа нема намера да стапи во врска со него, пред се поради разликата во години – таа има 52, а тој 40. По
Во јули 2023 година, таа официјално се разведе од актерот Џо Манганиело, наведувајќи ги непомирливите разлики како причина.
Текстот Софија Вергара (52) блесна на забавата по Оскарите во заводлив фустан е превземен од МАКФАКС.
