Според инфорамциите од Инстутот за јавно здравје (ИЈЗ) сите досега потврдени 18 случаи на пертусис, односно голема кашлица се изолирани случи, нема пренос на заразата од еден на друг, кажа денеска портпаролот на Комисијата за заразни болести д-р Злате Мехмедовиќ.
Сите 18 се засебни случаи и во основа, за нас е охрабрувачки во овој период да проласиме епидемија за да не дозволиме да имаме кластери. Прогласувањето на епидемија ќе ни даде можност многу полесно да ја ублажиме епидемијата. Дневно имаме по два нови случаи. До каде ќе оди, не знаеме, но ова е вистинско време за прогласување епидемија, рече д-р Мехмедовиќ.
Претседателот на Комисијата за заразни болести проф. д-р Александар Петличковски рече дека сигурно има неотркиени случаи на голема кашлица, можеби три или четири пати од она што е откриено досега. Освен деца, има и возрасни хоспитализирани.
Во однос на 4-годишното дете што примило три вакцини и е на Детската клиника, Петличковски рече дека кај него се работи за некоја состојба која индицира примена на имуносупресивна терапија, која дава простор и луѓе што се вакцинирани да имаат можност да бидат заразени.
Кај него инфекцијата ќе помине полесно отколку ако не бил имунизиран. И самата вакцинација има ефикасност меѓу 80 и 90 проценти“, рече Петличковски.
„Во Србија ситуацијата е таква што од речиси 700 потврдени случаи на голема кашлица, дури 64 проценти се вакцинирани. Постои опаѓање на имунитетот по десет години во просек. Се размислува за освежување на имунитетот кај критично болни, кај лица над 65-годишна возраст. Ова се првични препораки затоа што сме во добра состојба во споредба со регионот. Имаме 18 случаи, немаме смртни случаи“, објасни Петличковски.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
