Силниот ветер утрово предизвика откажување на повеќе од 100 летови на аеродромот Шипхол, а прекини во авиосообраќајот се очекуваат и попладне.
Аеродромот ги информирал патниците да се подготват за одложувања и откажувања, наведувајќи ги моменталните временски услови како причина, пишува „NL Times“. Патниците се поканети да го проверат статусот на летовите преку Интернет или директно да контактираат со нивните авиокомпании.
Компанијата KLM потврди откажување на повеќе од 90 летови.
Се очекува тој број дополнително да се зголеми, рече портпаролот. Холандската авиокомпанија има повеќе патнички летови до Шипхол од која било друга компанија.
Невремето го зафати не само воздушниот сообраќај, туку и патната и железничката мрежа во Холандија.
Операторот на железничката инфраструктура извести за широко распространети проблеми предизвикани од паднати дрвја или делови од дрво на структурата на шиние. Холандскиот метеоролошки институт издаде жолто предупредување за времето, за поголемиот дел од земјата, предвидувајќи налети на ветер меѓу 75 и 90 километри на час.
Се очекува во крајбрежните области да достигне брзина и до 100 километри на час, додека за Ваденските острови се предвидуваат налети до 120 километри на час. Невремето го зафати не само воздушниот сообраќај, туку и патната и железничката мрежа.
Познатиот словенечки метеоролог Марко Корошец пак преку Severe Weather Europe предупреди дека викендов Европа ќе ја зафати зимска бура.
Текстот Силно невреме во Холандија: откажани летови е превземен од МАКФАКС.
