Земјотрес со јачина од 6,2 степени според Рихтеровата скала го погоди западниот брег на островот Суматра во Индонезија, при што загинаа најмалку две лица.
„Засега имаме информации дека две лица загинале, а 20 други се повредени“, изјави за медиумите Сухарјанто, шеф на Националната агенција за управување со катастрофи.
Во земјотресот се оштетени и неколку куќи и други објекти.
Властите објавија фотографии на кои се гледаат урнати домови и училиште во областа Западен Пасаман.
Земјотресот, исто така, предизвика лизгање на земјиштето што затрупа куќи во областа Западен Пасаман, соопштија официјални лица.
Не е издадено предупредување за цунами.
