Сојот омикрон на корона вирусот е пријавен во 89 земји, а бројот на случаи се удвојува за ден и половина до три дена во областите на пренесување на вирусот во заедницата, објави во саботата Светската здравствена организација (СЗО).
Омикрон брзо се шири во земјите со високо ниво на имунитет кај населението, но не е јасно дали тоа се должи на способноста на вирусот да го избегне имунитетот, неговата способност да ја зголеми преносливоста или комбинација од двете, според СЗО, пренесе Хина.
Агенцијата на 26 ноември го окарактеризира омикрон како варијанта која предизвикува загриженост, набргу откако беше првпат откриен, а варијантата сè уште не е доволно позната, ниту пак сериозноста на болеста што ја предизвикува.
„Податоците за клиничката сериозност на омикрон сè уште се ограничени“, соопшти СЗО. „Потребни се повеќе информации за да се разбере, вклучително и како сериозноста влијае на вакцинацијата и постоечкиот имунитет.
Притоа, се додава дека достапните податоци сè уште се ограничени и нема потврдени докази за ефикасноста на вакцината или делотворноста за Омикрон.
СЗО предупреди дека на некои места болниците би можеле да бидат преоптоварени со толку брз раст на случаите.
„Хоспитализациите во Обединетото Кралство и Јужна Африка продолжуваат да растат и со оглед на брзиот раст на случаите, можно е многу здравствени системи брзо да се преоптоварат“, соопштија од СЗО.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
