Светската здравствена организација (СЗО) го класифицира видот на корона вирусот JN.1 како „варијанта од интерес“, наведувајќи дека во моментов постои мал ризик од овој вид по здравјето на луѓето.
Двајца експерти за Ројтерс изјавија дека овој вид полесно се пренесува од другите варијанти на корона, но дека не предизвикува потешки форми на болеста.
СЗО соопшти дека постојните вакцини ќе продолжат да штитат од JN.1 и други соеви на корона кои моментално циркулираат.
Американскиот центар за контрола и превенција на болести (ЦДЦ) објави претходно овој месец дека подваријантата JN.1 опфаќа околу 15 до 29 отсто од случаите на корона во САД заклучно со 8 декември.
JN.1 првпат беше откриен во САД во септември, а минатата недела седум инфекции со сојот беа откриени во Кина.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
