На четири кола пред крајот на сезоната, фудбалерите на Селтик ја обезбедија 55-тата титула во историјата на шкотската Премиер лига, како и четвртата титула по ред.
Селтик го победи Данди Јунајтед убедливо со 5:0 на гостински терен, со што на најголемиот ривал Ренџерс му избега на недостижни 18 бода. Селтик има 84, а Ренџерс 66 бода со натпревар помалку.
Прашањето за победникот во Данди беше решено по првото полувреме бидејќи Селтик отиде на пауза со водство од 3:0. Прво, Џек Стрејн ја погоди сопствената мрежа во 30-тата минута, а потоа Дајзен Маеда асистираше двапати, за головите на Даниел Кун.
Во второто полувреме, Адам Идах постигна уште два гола, во 47-та и 58-та минута, со што го комплетираше големото славје на Селтик.
Селтик и Ренџерс сега имаат идентични 55 титули од шкотското првенство, но Селтик доминира изминатите сезони, ова за нив е беше 13-та титула во последните четиринаесет години.
Текстот Селтик 55. пат се шампиони на Шкотска е превземен од МАКФАКС.
