Рускиот политичар Николај Онишченко, началник на областа Завјаловски во регионот Алтај, во централен Сибир, е убиен додека излегувал од кафуле. Истражниот комитет покрена кривична постапка, изјавија за новинарите руските истражни органи.
Од одделението додаваат дека во селото Завјалово е уапсен локален жител поради сомнение дека сторил кривично дело.
„Обвинителот на територијата Алтај Антон Херман го стави под негова контрола расветлувањето на околностите и текот на кривичната истрага. По негова наредба, теренски обвинител работи на местото на настанот“, рече Марија Антошкана, помошник обвинител од регионот.
Онишченко е роден на 8 август 1973 година. Тој беше избран на функцијата градоначалник на областа Завјаловски на територијата Алтај во октомври 2022 година. Пред тоа, Онишченко работеше за руското Министерство за внатрешни работи.
Текстот Руски политичар застрелан додека излегувал од кафуле е превземен од МАКФАКС.
