Русија изврши тестирање на „напредни“ интерконтинентални балистички ракети, само неколку недели по суспензијата на учеството во договорот за нуклеарно разоружување со Соединетите држави, пренесува агенцијата Франс прес.
Advertisements
Една борбена единица успешно лансираше интерконтинентална балистичка ракета од полигонот Капуцин Јар во регионот Астрахан, соопшти руското Министерство за одбрана. Министерството прецизираше дека целта била тестирање на напредна борбена опрема.
„Ова лансирање овозможи да се потврди исправноста на техничките решенија што се користат во развојот на нови стратешки ракетни системи“, се наведува во соопштението, пренесува агенцијата ТАСС.
