Русија денеска пријави повеќе од 124.000 инфекции на коронавирус, што претставува највисокиот дневен биланс од почетокот на пандемијата во услови на континуиран наплив на заболени од екстремно заразната варијанта на омикрон.
Руските здравствени власти додадоа дека во изминатите 24 часа се регистрирани 621 смртен случај. Официјално, руската работна група за Ковид-19 забележа нешто повеќе од 329.000 смртни случаи како последица на болеста од почетокот на пандемијата, но бројот на починати кои се пријавени од државната статистичка служба е двојно поголем.
