Русија ги додаде затворениот критичар на Кремљ Алексеј Навални и неколку негови сојузници на својата листа на „терористи и екстремисти“, додека владата продолжува со нападите врз граѓанското општество во земјата.
Записите за Навални и за неговите пет соработници: Љубов Собол, Вјачеслав Гимади, Георги Албуров, Лилија Чанишева и Руслан Шаведдинов, денеска се појавија во регистарот на Росфинмониторинг ставајќи ги на исто ниво со десничарските националистички групи и странски терористички организации како што се Талибанците и таканаречената групација Исламска држава.
Потезите го означуваат последниот во тековната акција против сега веќе забранетата политичка мрежа на Навални и пошироко врз граѓанското општество.
Минатата година, Московскиот градски суд сите организации поврзани со Навални ги прогласи за екстремистички , спречувајќи ги луѓето поврзани со него или со неговата мрежа на регионални канцеларии низ Русија, да можат да бараат јавни функции.
