Рускиот заменик министер за надворешни работи, Андреј Руденко, денеска потврди дека се водат интензивни преговори со украинската страна во видео формат.
Руденко за агенцијата Интерфакс изјавил дека е рано да се зборува за можноста за средба меѓу министрите за надворешни работи на Русија и Украина, Сергеј Лавров и Дмитриј Кулеба, пред да се договори текстот на конечниот договор.
– Сѐ додека не се усогласи текстот на финалниот документ, рано е да се зборува за каква било официјална средба – рече Руденко, одговарајќи на прашањето за изгледите за одржување на таква средба.
Руденко додаде дека е рано да се зборува за тоа кои земји можат да бидат гаранти на безбедноста на Украина, бидејќи на таа листа се уште се работи.
– Наведено е во голем број земји. Некои веќе потврдија дека се подготвени да бидат гаранти, многумина се уште размислуваат. Затоа веројатно е рано да се постави тоа прашање – изјави Руденко.
