Реал Мадрид ќе извиси за потписот на Алфонсо Дејвис (24). Канаѓанецот, наводно донел одлука да го продолжи договорот со Баерн.
Баерн не сака да ја повтори грешката со Давид Алаба, кога фудбалерот без обесштетување замина во Реал. Слично сценариот „кралскиот клуб“ подготвуваше со Дејвис, чии договор истекува на крајот од сезоната, но како што сега стојат работите Реал ќе извиси во овој случај и покрај тоа што според медиумите постигнал договор со фудбалерот.
Баерн не сакаше дупло да му ја зголеми платата на Дејвис и тука настанаа недоразбирањата. Но, како што тврдат германските медиуми, левиот бек решил да ги намали барањата.
„Постигнат е значителен напредок во разговорите меѓу двете страни. Работите се движат во позитивна насока. Потребно е само да се разјаснат уште некои детали“, напиша Флоријан Плетенберг, еден од најверодостојните германски новинари, а го пренесоа бројни медиуми.
Платата ќе му биде зголемена но не дупло. Според новиот договор неговата бруто плата ќе изнесува околу 15 милиони евра.
Текстот Пресврт, Дејвис ќе остане во Баерн е превземен од МАКФАКС.
