Полска повеќе нема да и испраќа оружје на Украина за да се фокусира на сопствената одбрана, изјави полскиот премиер Матеуш Моравјецки.
„Веќе не пренесуваме оружје во Украина, бидејќи сега ја вооружуваме Полска. Украина се брани од брутален руски напад и јас ја разбирам таа ситуација, но ние мора да ја одбраниме сопствената земја“, рече Моравјецки, како одговор на прашањето дали Варшава ќе продолжи да го поддржува Киев и покрај несогласувањето со извозот на жито.
Моравјецки рече дека Полска помага да се победи „рускиот варварин“, но не може да се согласи да го дестабилизира полскиот пазар со увоз на украинско жито.
Ова соопштение дојде во време кога полско-украинските односи се затегнати поради продолжувањето на забраната на Варшава за увоз на украинско жито.
Моравјецки рече дека жали што украинските олигарси „го туркале своето жито на полскиот пазар“ без оглед на ефектите што ги имале врз полските земјоделци, што според него ги намалило цените и ја навело владата да воведе гаранции и на крајот да го забрани увозот на украинското жито.
