Денешното вонредно коло од Првата македонска фудбалска лига беше обележано со дерби натпреварот одигран во скопски Чаир помеѓу Шкупи и Шкендија.
По финалнтие 90. минути позадоволни може да бидат домаќините затоа што стигнаа до реми (1:1), со спектакуларен гол на Фреди Алварез во самиот финиш од средбата. Претходно Шкендија дојде до водство со голот на Гури во 71. минута од натпреварот.
Денешното коло понуди неколку изненадувачки резултати, а од нив треба да се издвои победата на Македонија ЃП над Академија Пандев со убедливи 4:1.
Работнички славеше против Брегалница со 2:1, Борец ја продолжи црната серија на Пелистер совладувајќи го во Битола со 3:1,.
На победа се радуваше и Скопје кој ја надигра Струга. Ренова и Тиквеш ги поделија бодовите играјќи 1:1.
фото: gol.mk
