Дезинфекција на раце, носење маска и дистанца ќе биде задолжително да се почитува и од гласачите и од членовите на општинските изборни совети. Протоколите за спречување на ширење на вирусот предвидуваат гласањето да се врши со пенкало, и истото да се дезинфицира по употреба на секој гласач.
„ Препораките се пенкалото да се дезинфицира по секое гласање. Маските стигнаа до нашиот изборен материјал и средства за дезинфекција. Мислам дека до утре сите ќе бидат поднесени до почетокот на гласањето. Што се однесува до носењето ракавици, ДИК ќе одлучи дали треба или не “, рече Оливер Бушлетиќ, одговорен на избирачкото место 2849 – Општина Центар.
Во врска со употребата на отпечаток од прст, гласачите мора да го дезинфицираат прстот пред да го стават во уредот за скенирање отпечатоци, додека уредот нема да се дезинфицира од причини на безбедност од технички аспекти.
„Апаратот не смее да се дезинфицира за да не предизвика технички проблеми, оштетувања, бидејќи значи прекин на гласачкиот процес “, потврди Бушлетиќ.
Ддезинфекцијата на училниците беше процес што се спроведе синоќа. Во меѓувреме, по завршувањето на изборниот процес, училишните простории ќе треба да бидат дезинфицирани од општините за да биде безбеден наставниот процес.
Општинските изборни комисии денеска ги направија последните подготовки за одржување локални избори в недела, вклучително и имплементација на протоколи против коронавирусот.
