Кошаркарите на Пелистер стигнаа и до вториот триумф во годинашната сезона во машкиот кошаркарски шампионат, откако без поголеми проблеми славеа на гостувањето кај Академија ФМП со 66-89.
Гостите уште во првата четвртина ги разрешија сите дилеми добивајќи ја со 11-26. Тимот од Кисела Вода одигра на ниво само во третата четвртина која ја доби со десет поени и успеа да се приближи на минус четири 57-61.
Игор Кесар со деветнаесет поени беше најефикасен во победничкиот табор, додека кај поразените се истакна Стефан Крстајиќ со 24 поени.
