Иранскиот претседател Масуд Пезешкијан денес изјави дека земјата нема да „се поклони пред ниту еден насилник“ како одговор на критиките упатени кон американскиот претседател Доналд Трамп.
„Тој (Трамп) мисли дека може да дојде тука, да скандира слогани и да нè исплаши. За нас, мачеништвото е многу послатко од умирањето во кревет. Дојдовте да нè исплашите? Нема да се поклониме пред ниту еден бандит“, рече тој, според Ројтерс.
Трамп моментално е во посета на Блискиот Исток, а претходно денес изјави дека сака да постигне нов договор со Иран, но дека Техеран мора да престане да го спонзорира тероризмот и да се откаже од своите нуклеарни амбиции.
„Многу луѓе гледаат со завист“, им рече Трамп на лидерите на арапските земји собрани на регионалниот самит, додавајќи дека неверојатни договори се на дофат и дека Блискиот Исток денес е центар на светот на кој многумина му завидуваат.
Иранскиот заменик-министер за надворешни работи, Абас Аракчи, објави дека во петок ќе се сретне со европски дипломати во Истанбул на разговори за обновување на нуклеарниот договор од 2015 година.
Европските страни потписнички на договорот се Франција, Велика Британија и Германија.
Текстот Пежешкијан му порача на Трамп: Иран нема да се поклони пред ниту еден насилник е превземен од МАКФАКС.
