Американските таблоиди тврдат дека Бен Афлек и неговата поранешна сопруга Џенифер Лопез сепак си размениле божиќни подароци. „Пејџ Сикс“ пишува дека Афлек на пејачката и подарил потпишана книга од Марлон Брандо. Ова го открил сопственикот на Mystery Pier Books, Луис Џејсон. Тој тврди дека актерот претходниот викенд купил неколку книги.
Ова го потврдија извори блиски до актерот, тврди таблоидот.
„Бен и подари книга на Џенифер бидејќи е обожавател на Марлон Брандо. И двајцата купија подароци за децата. Тоа не беше ништо луксузно, но тоа е знак на внимание бидејќи и покрај разводот, тие останаа добри пријатели“, тврдат анонимни извори.
За потсетување, Лопез и Афлек се венчаа повеќе од 20 години откако се запознаа на снимање на филм. Двојката првпат се вери во ноември 2002 година. Неколку дена пред да се венчаат во септември 2003 година, тие ја откажаа венчавката наведувајќи го „прекумерното медиумско внимание“. Во јануари 2004 година тие официјално раскинаа, но 16 години подоцна и дадоа на својата љубов уште една шанса, која не траеше долго.
Текстот Откриено што Бен Афлек и купил на Џенифер Лопез за Божиќ е превземен од МАКФАКС.
