Во текстот на Меморандумот за разбирање, кој ќе биде потпишан десет месеци откако иницијативата за Западен Балкан официјално беше именувана како „Отворен Балкан“, наместо „мини-Шенген“, се наведува дека потписниците ја разгледале „зголемената важност „за соработка во борбата против даночното затајување. „Одредбите на овој документ нема да резултираат со конкретни одлуки или активности кои се обврзувачки и наметнати на која било страна или трета страна.
Advertisements
Меѓу другото, во вкупно осум члена од договорот се нагласува потребата од заедничка работа за поттикнување на исполнувањето на даночните обврски во трите земји, и дека секоја страна треба да назначи лице кое ќе ги координира активностите. Секоја страна, исто така, ги плаќа своите трошоци за спроведување на Меморандумот.
Во текстот на Договорот предвиден во областа на меѓусебното признавање на дипломите, до кои имал пристап Радио Слободна Европа, земјите ќе се заложат за забрзување на процедурите за признавање на дипломите за високо образование меѓу Србија, Албанија и Северна Македонија. Се прецизира дека дипломите ќе подлежат на директно признавање. Во членовите на Меморандумот, потписниците се обврзуваат да ја поттикнат мобилноста на културните работници и продлабочувањето на институционалната соработка. Договорните страни наведуваат дека ќе се обидат да ги усогласат критериумите и да го зголемат бројот на конкурси за финансирање културни проекти.
Со Меморандумот за разбирање во областа на туризмот на Западен Балкан, кој треба да се потпише во Охрид, се предвидува формирање на туристичка карта наречена „Отворен Балкан“. На самитот во Охрид за првпат ќе присуствува и претставникот на Црна Гора, премиерот Дритан Абазовиќ.
Иницијатива покрената во 2019 година, иако има поддршка и од ЕУ, и од САД, не успеа да се прошири. Косовскиот премиер Албин Курти ја одби поканата за учество на Иницијативата Отворен Балкан. Тројцата иницијатори, Еди Рама, Александар Вучиќ и Зоран Заев, го осмислија овој концепт со цел да создадат простор на слободно движење на луѓе, стоки и услуги на Западен Балкан.
