реклама
Двајца обожаватели ја тужеа пејачката Мадона затоа што задоцни нејзиниот концерт повеќе од два часа минатиот декември во Њујорк.
Обожавателите во тужбата тврдеа дека концертот требало да започне во 20:30 часот, но дека музичката дива не се качила на сцената дури во 22:30 часот, поради што концертот не завршил дури еден час по полноќ. Посочуваат дека немало да купат билети и да ги потрошат парите да знаеле дека концертот ќе трае толку доцна.
реклама
Мајкл Фелоус и Џонатан Хејден наведуваат дека многу од оние кои дошле на концертот морале да станат рано следниот ден поради работните или семејните обврски што ги имале. Тие го тужат промоторот на концертот, Live Nation и организаторот на настанот за лажно рекламирање, несовесно лажно претставување и измамнички трговски практики.
Дуото што ги тужеше организаторите беше на концерт на 13 декември, но судските документи покажуваат дека Мадона одржала концерти на истото место на 14 и 16 декември и дека двете вечери доцнеле повеќе од два часа.
реклама
„Обвинетите не и дале никакво известување на публиката дека концертите ќе започнат многу подоцна од времето испечатено на билетите и рекламираното, што ја натерало публиката да чека со часови“, се наведува во тужбата.
Судските документи, исто така, наведуваат дека Мадона има долга историја на пристигнување и започнување концерти доцна, понекогаш и неколку часа. Има примери од 2016, 2019 и 2020 година кога „кралицата на попот“ постојано излегуваше на сцената два часа подоцна од најавеното.
реклама
Ова не е прва тужба за одложувањата на Мадона. Еден фан го „свитка чаршафот“ во 2019 година поради одложување на концертот, но еден месец подоцна самиот ја повлече тужбата.
Истата година, Мадона објави видео од сцената на социјалните мрежи, кога на публиката и порача: „Има нешто што сите треба да го разберете. А тоа е дека кралицата никогаш не доцни“.
реклама
