Руските сили во текот на ноќта изведоа нов бран напади со беспилотни летала и ракети врз цели во Украина, предизвикувајќи цивилни жртви и штети, соопшти украинската војска на 27 јули, додека властите во Киев соопштија дека Москва уништила десетици објекти за извоз на жито откако излезе од договорот за жито.
Ракетите „Калибр“, лансирани од руска подморница во Црното Море, убиле чувар и оштетиле товарен терминал во регионот на Одеса, изјави рано на 27 јули гувернерот Олех Кипер, јавува Радио Слободна Европа на англиски јазик.
Одеса, главното украинско пристаниште на Црното Море, постојано беше цел на руски напади во последните неколку недели.
Дополнително, Генералштабот на вооружените сили во утринскиот извештај изјави дека Русија повторно користела беспилотни летала Шахед од иранско производство, додавајќи дека во моментов се разјаснуваат информациите за последиците од нападот со беспилотно летало.
