Во Велика Британија вчера се евидентирани 88.376 нови случаи, со што втор ден по ред е соборен рекордот. Завчера беа регистрирани 78.610 нови случаи.
Британскиот премиер, Борис Џонсон, почна со повик за вакцинација со бустер доза додека омикрон продолжува да се шири низ целата земја.
„Секое возрасно лице во Англија од денес може да се вакцинира со бустер. Апсолутно е важно луѓето сега да се вакцинираат со бустер доза бидејќи Велика Британија бележи рекорден број на нови случаи“, рече Џонсон.
Во Данска денеска беа регистрирани речиси 10.000 нови случаи на ковид, што е најмногу од почетокот на пандемијата. Од нив, кај 3.000 е пронајден новиот вид – омикрон.
Сојот омикрон се шири 70 пати побрзо од делта сојот и оригиналната варијанта на коронавирусот во примероците од ткиво земени од бронхиите, утврдено е во лабораториски експерименти кои би можеле да помогнат да се објасни неговата висока инфективност.
Студијата спроведена од тим од Универзитетот во Хонг Конг, исто така, покажа дека новиот сој се репродуцира десет пати побавно во ткивото на белите дробови, што може да биде показател, според неговите автори, за поблага форма на болеста.
Мајкл Чан Чи Ваи, кој ја водеше студијата, рече дека овие резултати треба да се толкуваат со претпазливост бидејќи потешката форма на болеста одредува не само колку брзо се размножува вирусот, туку и имунолошкиот одговор на заразеното лице, особено дали имунолошкиот систем претерано реагира.предизвикувајќи т.н „Цитокинска бура“.
„Забележано е и дека со заразување на многу поголем број луѓе, високо заразниот вирус може да предизвика потешка форма на болест и cм рт, иако самиот вирус може да биде помалку патоген.
Затоа, кога сите заедно со нашите неодамнешни студии покажуваат дека варијантата омикрон може делумно да го „избегне“ имунитетот стекнат со вакцинација или претходна инфекција, севкупната закана од видот омикрон веројатно ќе биде многу значајна“, рече Чианг Чи Ваи. објави Гардијан.
Џереми Камил, вонреден професор по микробиологија и имунологија на Државниот универзитет Шривепорт во Луизијана, истакна дека видот делта, кој се покажа дека е позаразен, покажува сличен модел на побавна репродукција во белите дробови.
„Овие автори открија дека омикронот добро се размножува во бронхијалното ткиво, дури и подобро од делта соевите и оригиналниот вирус“, рече Камил.
„Тоа на некој начин би можело да придонесе за негово поголемо ширење, односно негово пренесување меѓу луѓето.
Тој нагласи дека важен елемент на преносливоста на омикрон во реалниот живот ќе биде неговиот потенцијал да избегне неутрализирање на антитела кои првенствено штитат од инфекција.
„Многу е веројатно дека лесно ќе се прошири меѓу вакцинираните луѓе, особено кај оние кои неодамна не примиле бустер доза“, рече Камил.
Првите податоци објавени на интернет и не прегледани доаѓаат од експерименти со примероци од белодробно ткиво земени од пациенти за време на операцијата.
Видот омикрон се репродуцира во бронхиите за околу 24 часа, околу 70 пати побрзо од видот делта и оригиналната варијанта на коронавирусот.
Иако бронхиите не го сочинуваат горниот дел од респираторниот систем, научниците велат дека тоа може да доведе до тоа луѓето да „исфрлаат“ повеќе вируси и на тој начин инфекцијата полесно да се шири.
Гардијан посочува дека ова откритие, заедно со резултатите од неодамнешните истражувања кои покажуваат дека сојот омикрон лесно ги инфицира клетките, ја комплетира сликата дека оваа варијанта на коронавирусот е значително позаразна, покрај тоа што го „заобиколува“ постоечкиот имунитет.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
