Само љубовта кај адолесцентите може да се заснова на фантазија за врска без кавги, а паровите кои навистина никогаш не се караат подоцна „пукаат“ појако од другите.
Една неодамнешна студија покажа дека крајот на љубовната врска често може да се прочита од некои од овие суптилни знаци и однесувања на партнерот, кои веројатно никогаш не би ги поврзале со раскинување.
Затоа експертот за секс и врски, Жоржет Кали, за The Sun изјави што точно може да не предупреди дека нашата врска не е во најдобра форма – и како да ја поправиме.
Повеќе секс од вообичаено
И додека најчесто сме склони да мислиме дека партнерот не сака секс затоа што го добива на друго место, вистината често е сосема спротивна.
Имено, една неодамнешна студија откри дека кога ќе најдат некој „на страна“ – дури четири од десет луѓе ќе имаат уште повеќе секс со своите долгогодишни партнери, бидејќи новата афера ќе им го поттикне заспаното либидо.
„Значи, следниот пат кога таа/тој ќе се обиде да поттикне спонтана акција, прашајте од каде доаѓа тој нов ентузијазам и погледнете ја реакцијата“, советува Кали.
Неочекувани подароци
Ако вашиот партнер одеднаш ви купи подароци без посебна причина и не го сторил тоа претходно, можеби меѓу вас не е сè така идилично како што мислевте – а причината може да е тоа што тој се обидува да ја прикрие измамата со подароци и да си ја смири совеста.
„Во оваа ситуација, не оставајте ништо на случајноста, туку почнете да „душкате“ меѓу неговите/нејзините лични работи“, советува Кали.
Период без кавги
Само љубовта кај адолесцентите може да се заснова на фантазија за врска без кавги, а паровите кои навистина никогаш не се караат обично подоцна „пукаат“ уште појако.
„Кавгата е нормален знак за здрава врска, а кога проблемите се ‘на маса’ можете да ги решите тимски“, вели Кали. Кога се кријат и сѐ е „премногу мирно“, можеби е затишје пред бура…
Јавно изразување љубов
Сигурно и самите некогаш сте виделе еден од оние „совршени“ парови, каде што двајца луѓе не можат да се разделат еден од друг. И додека веројатно повеќето би им позавиделе, на тој пар всушност им треба советник за врски.
„Јавното изразување на љубов и наклонетост обично се само несигурности“, рече Кали, бидејќи кога сме навистина среќни, немаме што да им докажуваме на другите. Затоа, ако партнерот одеднаш ви се „залепи“, Кали ве советува да разговарате за причините за таквото однесување. Затоа што, додава тој, паровите кои така се „залепени“, обично брзо се „одлепуваат“.
Гушење од љубов
Дали вашиот партнер одеднаш е премногу приврзан за вас; дали постојано ви кажува колку ве сака, а пред тоа кажувал едвај еднаш во неколку месеци?
Иако можеби страда само од ненадејна потреба да ги изрази своите чувства, причината, според Кали, би можела да биде многу позлобна.
„Кога некој во врска се чувствува виновен, често ќе се обиде да го надомести тоа со приврзаност, од страв дека врската ќе пукне“, вели експертот.
Премногу љубезност
Дали некогаш ги добивате сите „школски точни“ одговори на прашања за бракот или децата, но знаете дека тие се всушност „шупливи“?
Кога ќе ги прашате како ја гледаат вашата врска во иднина, тие ќе одговорат како да читаат извадок од бајка…
„Внимавајте, можеби тој/таа само ‘ве убива со добрина’“, вели Кали, бидејќи љубезниот и бајковит одговор е полесно да се смисли отколку нешто реално.
Истакнува колку ви е добро
Дали постојано ги редизајнира профилите на социјалните мрежи со нови информации и настани што ги доживеавте вие двајца?
Истражувањата покажуваат дека партнерите кои ги споделуваат деталите од својата врска со сите обично не се навистина среќни, туку се обидуваат да се убедат себеси (и светот) дека се среќни.
„Ако се чувствувате несигурно во врска со вас двајцата, најдобро е да разговарате за тоа само со него/неа и секако не го објавувајте овој разговор на интернет.“
Посесивност
Ако вашиот партнер одеднаш ве обвини дека изневерувате, причината можеби е тоа што ве изневерува.
„Кога некој има афера, може да стане параноичен и да го суди својот партнер според своите постапки“, вели Кали.
