Денеска ќе се одржи 94-тото доделување на Оскарите, а се сеќаваме на најголемиот срам кој го одбележа овој настан.
Имено, во 2017 година се случи скандал за кој се зборува и денес. Со неуспех на организаторите, 89. награда ја одбележа погрешно прогласување на победникот во категоријата филм на годината.
Актерот Ворен Бити и неговата колешка Феј Дејнвеј го прогласија „La La Land“ за филм на годината, исто како што пишуваше во пликот што го добија.
Режисерот на филмот и остатокот од филмската екипа излегоа на сцената, почнаа да се заблагодаруваат, а потоа затекна хаос. Имено, се покажа дека не станува збор за вистински плик, туку за резервен и дека не победи овој филм, туку филмот „Месечева светлина“.
Не е доволно само да се каже дека преовладуваше непријатна атмосфера. Актерите на филмот „La La Land“ се вратија на своите места.
24 часа подоцна организаторите објаснија кој е виновен за скандалот.
ПрајсвотерхаусКуперс, кој е одговорен за броење на гласовите за Оскар и печатење коверти со имињата на победниците, објави соопштение за медиумите речиси 24 часа по срамниот хаос на крајот од 89-тото доделување на Оскарите.
Компанијата ја презеде целосната одговорност за грешката, објаснувајќи дека еден од двајцата партнери кои ги знаеле само резултатите и им делеле коверти на презентерите, Брајан Калинан, „по грешка му дал на Ворен Бити двоен (резервен) плик за најдобра главна женска улога наместо најдобар филм. .
