Моника Белучи (60), италијанска актерка и модел која ја нарекуваат најубава жена на светот, позираше за насловната страница на кинеското издание на магазинот Elle.
На фотографиите во магазинот Моника позираше во тесен фустан, а таа фотографија ги воодушеви нејзините следбеници.
„Кралица, икона, убавица“, „Секогаш ќе бидеш мојата омилена Бонд девојка“, „Сакам да остарам грациозно како неа“, „Секси жена“, „Уметност“, „Најубавата жена на светот“, се само дел од коментарите.
На крајот на септември Моника го прослави својот 60-ти роденден. Неодамна, во интервју за списанието iO Donna зборуваше за стареењето.
„Не само што сè уште сум тука, туку уживам во годините и продолжувам да откривам многу работи. Би рекла дека не можете да се борите и да објавите војна на време, што е многу посилно од вас: треба да се согласите, да потпишете примирје и да се надевате дека ќе ве помилува. Би сакала да бидам референтна точка за помладите од мене, како што беа и се моите 80-годишни пријатели за мене“, објасни таа.
Текстот Моника Белучи позираше за насловна страница, фановите се воодушевени е превземен од МАКФАКС.
