Нов Зеланд на почетокот на декември ќе го заврши тримесечниот карантин во најголемиот град во земјата Окланд и ќе усвои нова стратегија во борбата против коронавирусот, изјави денеска премиерката Џасинда Ардерн.
Advertisements
Таа рече дека од 3 декември во земјата ќе почнат да се применуваат нови методи во борбата против ковид-19 и ќе се настојува да се сузбие делта сојот на вирусот, наместо негова целосна елиминација.
„Тешка вистина е дека делта сојот е тука и не е спремен да исчезне. Иако ниедна земја не успеа целосно да го елиминира делта сојот, Нов Зеланд е во подобра позиција од повеќето други земји да се избори со тоа“, рече таа.
