По првичната возбуда во првите недели од новата социјална мрежа, Threads веќе не привлекува толку големо внимание.
Марк Цукерберг и Мета го лансираа Тредс како главен конкурент на Твитер (Икс) на Маск. На самиот почеток, во текот на првите недели, Тредс стана најбрзо растечката апликација во светот и за само неколку дена привлече повеќе од 100 милиони корисници.
Сепак, по првичната возбуда предизвикана од новитетот на Интернет, корисниците ја преземале апликацијата, гледале што има на неа, креирале профили – а потоа голем број од нив ја напуштиле мрежата и повеќе не се вратиле.
Според Ројтерс, речиси половина од оние корисници кои првично креирале профили на оваа мрежа не се вратиле.
Очигледно Цукерберг го очекувал тоа, што го потврдил и на средбата со акционерите. Сепак, тој смета дека бројот на корисници на Tредс ќе се стабилизира, а во тоа ќе помогнат новите функции кои се подготвуваат за платформата.
Останува да се види колку добро новите функции ќе ги привлечат и задржат корисниците. Во минатото, Мета не можеше да ги задржи корисниците на своите нови проекти, а главен пример за тоа е Метаверс, кој се покажа како проект кој не беше толку популарен и профитабилен како што се очекуваше.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
