Хотелот Југославија во Белград, еден од симболите на моќта и престижот на поранешна Југославија, којшто во тоа време го посетија американскиот претседател Ричард Никсон и германскиот канцелар Вили Брант, како и бројни истакнати личности како астронаутот Нил Армстронг и британската кралица, останала Елизабета Втора, исчезна на почетокот на декември минатата година под багерите.
Целосно беше урнат за да се отвори нов хотелски комплекс. Меѓутоа, во хаосот на уривањето остана во воздухот прашањето – каде заврши импресивниот лустер со кристали Сваровски, кој своевремено влезе во Гинисовата книга на рекорди како најголем кристален лустер во светот.
Кога беше отворен во 1969 година, хотелот беше меѓу петте најголеми во Европа и важеше за еден од најлуксузните и најубавите хотели во светот, благодарение, меѓу другото, и на неговиот романтичен поглед на Дунав и споменатиот лустер со 5.000 сијалички, тежок дури 14 тони. Бил долг 30 метри и широк пет метри, а бил направен од 40.000 кристали Сваровски.
Хотелот Југославија беше отворен во 1969 година, а неговата изградба траела речиси 20 години. Под работен наслов „Београд“, а според дизајнот на хрватскиот тим архитекти составен од Младен Каузлариќ, Лавослав Хорват и Казимир Остроговиќ, изградбата била завршена во 1967 година, а хотелот официјално бил отворен две години подоцна.
Инвеститорот на новиот комплекс на локацијата на хотелот, Миленијум, тврдеше дека познатиот лустер ќе биде реставриран и поставен во новата хотелска зграда. Сепак, до ден денес, како што пренесуваат српските медиуми, останува непознато како бил демонтиран лустерот и каде се чувал.
Хотелот „Југославија“ беше продаден за нешто повеќе од 27 милиони евра.
Текстот Каде исчезна Гинисовиот лустер од хотелoт „Југославија“ е превземен од МАКФАКС.
