Градот вклучува големи згради во облик на пирамида, камени столбови, три плоштади со згради и други структури распоредени во речиси концентрични кругови, соопшти институтот INAH.
Тој додаде дека градот, кој го нарекол Окомтун – што значи „камен столб“ на јукатанскиот јазик на Маите – веројатно бил важен центар на низинскиот регион на полуостровот помеѓу 250 и 1000 година од нашата ера.
Сместено е во еколошкиот резерват Баламку на полуостровот Јукатан и беше откриен за време на претресот на главно неистражена област на џунгла поголема од Луксембург. Пребарувањето се одвиваше помеѓу мај и јуни оваа година, користејќи технологија за воздушно ласерско мапирање.
Цивилизацијата на Маите, позната по своите напредни математички календари, го зафаќала подрачјето на југоисточно Мексико и делови од Централна Америка.
Конфликтите, различните сојузи, борбата за превласт и војните довеле до нејзино опаѓање уште пред доаѓањето на шпанските конквистадори, во чии воени походи последното упориште паднало кон крајот на 17 век.
Централното подрачје на локалитетот Окомтум се наоѓа на високо место и опкружено со големи мочуришта, кои вклучуваат неколку пирамидални структури високи до 15 метри, вели главниот археолог, Иван Спрајц.
Градот имал и игралиште. Игрите со топка пред шпанското освојување, биле широко распространети низ регионот на Маите. Се состоеле од носење гумена топка, што го претставувала сонцето, низ теренот без користење раце и поминување низ мал камен обрач. Се верува дека играта имала важна религиозна цел.
Спрејц додаде дека неговиот тим, исто така, пронашол централни олтари во областа поблиску до реката Ла Ригуена, кои можеби служеле за ритуали во заедницата, иако се потребни повеќе истражувања за да се разберат културите што некогаш живееле таму.
Градот веројатно исчезнал помеѓу 800 и 1000 година од нашата ера, судејќи според пронајдените материјали.
Извор: Би-Би-Си
