реклама
Мистериозното богатство од 120 златни прачки пронајдено во швајцарски воз, чиј сопственик полицијата залудно го бараше речиси четири години, ќе биде предадено на Меѓународниот комитет на Црвениот крст (МКЦК).Како што јави Хина, во октомври 2019 г. на кондуктерот во возот меѓу Сент Гален и Луцерн е пронајдена пластична кеса.
Внатре имало пакет со натпис „пратка на вредни предмети на МКЦК“ – 3,7 килограми злато во форма на 120 помали златни прачки, се наведува во соопштението на државното обвинителство на Луцерн.
реклама
Златото со 999,9 отсто чистота се продаваше во четвртокот за околу 56.000 евра за килограм. „Богатството“ кое се уште не е предадено на МКЦК вреди околу 210.000 евра.
Ниту по долга истрага, властите не успеаја да го најдат сопственикот или да ги поврзат лостовите со какво било кривично дело.
реклама
„Бидејќи златото било во пакет адресирано до МКЦК, можеме да претпоставиме дека непознатиот сопственик сакал да и го предаде златото на таа организација. Затоа пронајдениот пакет ќе биде предаден на МКЦК“, се наведува во соопштението.
МКЦК најави дека ќе прифати вреден подарок.
реклама
