Сојот Омикрон на коронавирусот се очекува да стане доминантна варијанта во Европска Унија до средината на јануари, изјави претседателката на Европската комисија, Урсула фон дер Лајен.
Таа додаде дека Унијата е подготвена да се бори со тој сој со 66 отсто од вакцинираното население и оти е убедена дека ЕУ има сила и средства да ја надмине пандемијата.
Фон дер Лајен додаде дека досега повеќе од 300 милиони Европејци (66,6 отсто од популацијата на ЕУ) се целосно имунизирани против Ковид-19, а 62 милиони веќе примиле засилена доза од вакцината. Таа истакна дека ЕК почнува онлајн информативни кампањи за да ги убеди луѓето да се вакцинираат.
Според неа само 44 отсто од вкупното население ширум светот се вакцинирани.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
