Плескавиците се еден од најпопуларните оброци во светот. Вклучени се во менијата на голем број ресторани, а изгледа тешко да се замисли нешто поедноставно од комбинација на плескавица во леб. Сепак, според претставниците на популарниот меѓународен синџир ресторани, хамбургерите ги јадеме погрешно.
Компанијата Fridays (порано позната како TGI Fridays) вели дека треба да јадеме хамбургери наопаку. И има добра причина за тоа. Fridays го лансираше Flip It Challenge со порака дека нивниот необичен метод има свои предности, ветувајќи „многу поедноставно искуство со оброк“, пишува Marie Claire Russia, како што пренесува City Magazine.
„Според нашите експерти, најдобар начин да се изеде хамбургер е да се преврти наопаку“, објаснува популарниот синџир.
„Погустиот дел од лебот го апсорбира сокот од хамбургерот, помагајќи му да го задржи својот вкус подолго.
Експертот за хамбургери понатаму објасни: „Причината зошто многумина велат дека хамбургерот е подобар кога се јаде наопаку е тоа што горната страна е погуста. Значи, вртењето на хамбургерот значи повеќе леб одоздола, кој ги апсорбира соковите и вкусовите на хамбургерот и додатоците додека го грицкате. Тоа значи и дека јазикот прво се сретнува со филот, а потоа со плескавицата. Изборот на вкусови за вас зависи од личните преференци – затоа пробајте ги и кажете ни како ви се допаѓа! ˮ
Патем, некои љубители на хамбургер со години се обидуваат да ја рашират веста за овој забавен метод на јадење популарно јадење.
Сајмон Дјукс, основачот на блогот Бургер Лед, објасни за Инсајдер во 2018 година зошто „горниот дебел леб“ треба да биде на дното.
Тој рече: „Бургерите се служат како што се [денес], исклучиво заради естетика. Круната (горниот дел на пецивото) е очигледно подебела (а со тоа и поцврста) од дното, така што за најдобар вкус треба да го превртите [хамбургерот] наопаку за да го јадете. Тогаш горниот дел ќе ја издржи тежината на се останато, а помали се шансите се да се распадне во вашите раце. Вистинскиот познавач на хамбургери секогаш треба да ги јаде наопаку“.
