Лидерите на земјите на Групата седум (Г7), кои втор ден по ред се состануваат на самитот во Германија, се очекува да се договорат за ограничување на цената на руската нафта, за да се ограничат приходите на Москва од енергенси.
Advertisements
Неколку меѓународни медиуми цитираат американски функционер, според кого, деталите за тоа како ќе функционира ограничувањето на цените, ќе се испеглаат за време на самитот, кој завршува на 28-ми јуни.
Ројтерс цитираше американки функционер кој брифирал на маргините на Самитот на Г7.
„Лидерите на Г7 имаат цел да се лиши Путин од неговиот главен извор на готовина и да се намали цената на руската нафта за да се ублажи влијанието на војната на Путин врз цените на горивото“, рече висок претставник на американската администрација.
Групата на седум богати западни земји се обидува да го засили притисокот врз Москва додека се обидува да ја минимизира секоја штета што може да им се нанесе на нивните економии.
