Невреме, проследено со силен ветер и обилен дожд вчера попладне ја зафати и територијата на Албанија, што услови прекин во воздушниот,поморскиот и на делови од патниот сообраќај.
„Силното невреме што ја погоди Албанија, предизвика привремен прекин на летовите на меѓународниот аеродром во Тирана. Пистата е погодена од силен ветер и дожд, што го оневозможува нормалното функционирање на летовите. Властите ги прекинаа летовите додека не се подобрат временските услови“, објави Евроњуз Албанија.
Невремето кое предизвика големи бранови услови прекин и на поморските сообраќај.
Во пристанишниот град Драч, како и во Тирана и други делови на земјата ветерот носеше се пред себе. Имаше паднати дрвја, а во повеќе делови имаше прекин во снабдувањето со електрична енергија.
Текстот Големо невреме во Албанија, ветерот носеше сè пред себе е превземен од МАКФАКС.
