Георгина Родригез беше една од многуте ѕвезди кои прошетаа по тепихот на Мет Гала, најпрестижниот моден настан во светот.
Темата на Мет Гала оваа година се фокусираше на модната историја на афроамериканските мажи од 18 век до денес. Дрес-кодот „Tailored for You“ ги замоли ѕвездите да ја реинтерпретираат машката мода.
Партнерката на фудбалската ѕвезда Кристијано Роналдо се појави во црна креација со исечок од страна, а комбинацијата ја надополни со црни чевли и накит.
Но, модните критичари ја прогласија нејзината облека за една од најлошите од овогодинешната Мет Гала, а критиките се проширија и на социјалните мрежи.
„Георгина Родригез дури не се ни обиде“, „Таа ја промаши поентата. Очекував многу повеќе од неа“, „Не ми се допаѓа“, „Не ја разбра поентата“, „Ова ме потсетува на пижами“ и „Ова е Мет Гала, а не пижама-забава“, се некои од коментарите.
Текстот Георгина Родригез разочара со изданието на Мет Гала: „Таа целосно ја промаши темата“ е превземен од МАКФАКС.
