Американсата Агенција за храна и лекови (ФДА) го одобри антивирусното апче против коронавирусната болест Covid-19 и е првата терапија одобрена за домашна употреба којашто би требало да станат важно средство во напорите за справување со омикрон варијантата на коронавирусот.
Податоците од клиничкото испитувања на лекот на американскиот фармацевтски гигант „Фајзер“ покажале 90-процентна ефикасност во спречувањата на хоспитализацијата и смртта на пациентите кај кои е висок ризикот да развиваат сериозен тек на болеста. Податоците од неодамнешните лабораториски испитувања укажуваат на тоа дека лекот дејствува и поротив новата омикрон варијанта на коронавирусот.
ФДА го одобри споменатиот лек кој се зема во форма на апче за лекување на возрасните пациенти со висок ризик, за над 12-годишна возраст и тоа надвор од болнички услови.
Од „Фајзер“ велат дека се подготвени веднаш да почнат да го испорачуваат лекот во САД и ги зголемија проекциите на своето производство од 80 милиони на 120 милиони третмани во 2022 година. Договорот на американската влада за 10 милиони третмани со овој лек е утврден на 530 долари по третман.
Апчето на „ФАЈЗЕР“, заедно со постариот антивирусен орален лек познат како „ритонавир“, ќе се продава во малопродажбата под името „Paxlovid“. Третманот се состои во земање две апчиња дневно, на секои 12 часа во текот на пет дена откако болеста Covid-19 ќе биде дијагностицирана и во рој од пет дана од појавата на симптомите.
„Фајзер“ планира да поднесе ново барање пред агенцијата FDA во 2022 година за да издејствува трајно одобрување. Европската агенција за лекови (ЕМА) веќе со итна постапка го одобри „Paxlovid“.
Во САД веќе е поднесено и барање за одобрување на уште еден релен лек против Covid-19, исто така во форма на апче, а го разви лаборатоијата „Merck“ кој надвор од САД е познат како MSD.
Другиот лек „Молнупиравир“ веќе доби позитивно мислење од независното тело и покрај тоа што неговата ефикасност е пониска отколку што првично се оценуваше и покрај загриженоста за дејствувањето кај бремените.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
