Лидерот во Премиер лигата, Ливерпул, вечерва го декласира Вест Хем во Лондон со 5:0, во 19.коло. „Црвените“ имаат 45 поени осум повеќе од Нотингем Форест и девет од Арсенал, кој утре го игра својот натпревар од оваа рунда.
Ливерпул остана непоразен 23. меч по ред, во тој период ја забележа 20. победа во сите натпреварувања.
Вест Хем беше декласиран во првото полувреме, за само 14 минути. Луис Дијас прв погоди во 30. минута, Гакпо во 40. го удвои водството, а третиот гол го постигна Мо Салах четири минути подоцна.
Во вториот дел, Трент Александер-Арнолд погоди во 54. минута, а точка на натпреварот стави Диого Жота во 84. минута.
Текстот (Видео) Ливерпул продолжи да дели лекции, во Лондон го декласира Вест Хем е превземен од МАКФАКС.
