Иран вчера истрела околу 200 балистички ракети кон Израел. Тоа е најголемиот воен напад на Иран врз Израел во историјата.

Иран тврди дека е самоодбрана и се закани со многу поголем напад во случај на израелска одмазда.

Израелскиот премиер, Бенјамин Нетанјаху, вчера му порача на Иран дека направил голема грешка за која ќе плати.

Израелските сили за противвоздушна одбрана се пофалија дека во соработка со своите сојузници собориле голем број ирански балистички ракети, но некои од нив не биле погодени во воздух и погодиле на земја.

Засега е познато дека иранските проектили го нападнале седиштето на израелската разузнавачка служба Мосад во Тел Авив, но Израелците тврдат дека во комплексот не паднале проектили. Камерите снимија голем кратер пред седиштето на Мосад.

Покрај тоа, израелската јавна телевизија КАН објави дека во градот Ход Хашарон на северот на Израел, околу 100 домови биле оштетени во ирански напад со балистички ракети.

Текстот (Видео) Колкава штета нанесе масовниот ирански напад со балистички ракети е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ