Иран вчера претстави нова балистичка ракета со дострел до 1.200 километри, објавија државните медиуми. „Балистичката ракета на цврсто гориво „Гасем Басир“, со дострел од најмалку 1.200 километри, е најновото одбранбено достигнување на Иран“, објави иранската државна телевизија.
Западните земји се загрижени за напредокот на иранската програма за балистички ракети, која веќе е обвинета за дестабилизација на Блискиот Исток, а чии ракетни капацитети го ставаат Израел, неговиот заколнат непријател, во дострел на оганот.
⚡️BREAKING
Iran unveiled the Qassem Basir ballistic missile with pinpoint accuracy
The missile is specifically designed to bypass the US Thaad defence system
▪️Range: 1,300 km
▪️No use of GPS and immune to electronic warfare
▪️Carbon composite body
▪️Maneuverable warhead… pic.twitter.com/ErBqrnt4Ki
— Iran Observer (@IranObserver0) May 4, 2025
Државната телевизија објави видео од лансирањето на новата ракета за време на интервјуто со министерот за одбрана, генерал Азиз Насирзадех.
„Доколку нè нападнат и биде покрената војна против нас, ние ќе возвратиме насилно и ќе ги таргетираме нивните интереси и бази“, рече министерот.
Тој додаде дека Иран „не негува непријателство кон соседните земји, но американските бази се ирански цели“.
Текстот (Видео) Иран претстави нова балистичка ракета: „Доколку нè нападнат, ние ќе возвратиме насилно“ е превземен од МАКФАКС.
