Мистериозниот саркофаг е откриен во внатрешноста на катедралата Нотр Дам откако пред три години ја зафати голем пожар, а наскоро треба да биде обновена.
Француските археолози го објавија тоа во четвртокот, само еден ден пред третата годишнина од пеколот што ја зафати готската знаменитост од 12. век, што го шокираше светот и доведе до голема реконструкција.
За време на подготвителните работи за реставрација на античката кула на црквата минатиот месец, работниците пронашле добро сочуван оловен саркофаг закопан на речиси 20. метри под земјата, лежејќи меѓу цевките на системот за греење од 19. век.
Се верува дека е многу постар, веројатно од 14. век.
Научниците веќе ѕиркале во внатрешноста на саркофагот со ендоскопска камера, откривајќи го горниот дел од скелетот, перница од лисја, можеби коса, текстил и суви органски материи.
A mysterious leaden sarcophagus discovered in the bowels of Paris’ Notre-Dame cathedral after it was devastated by a fire will soon be opened and its secrets revealed, French archaeologists said https://t.co/WfRC3xocml (via @AFP) #NotreDame pic.twitter.com/WUkk3ra2KO
— W.L. Lewis (@ArtMusicLife) April 15, 2022
Саркофагот, кој е долг 1,95 метри и широк 48 сантиметри, е отстранет од катедралата во вторникот, соопштил на прес-конференција францускиот Национален археолошки институт за истражување ИНРАП.
Моментално е чуван на безбедно место и брзо ќе биде испратен во Институтот за судска медицина во југозападниот град Тулуз.
Форензичарите и научниците потоа ќе го отворат саркофагот и ќе ја проучат неговата содржина, за да го утврдат полот на скелетот и претходната здравствена состојба, изјавил главниот археолог Кристоф Бесни.
