Американскиот претседател Доналд Трамп денес на прес-конференција во Белата куќа изјави дека рускиот лидер Владимир Путин одбива да се сретне со Володимир Зеленски затоа што „не го сака“ украинскиот претседател.

Кога новинарите го прашаа зошто Путин ја избегнува средбата, Трамп кратко одговори: „Затоа што не го сака. Не го сака“.

Трамп, исто така, потврди дека во меѓувреме разговарал со Путин, по минатонеделната средба со украинскиот претседател и европските лидери во Белата куќа. „Да, разговарав“, рече тој кога новинарите го прашаа дали имал контакт со рускиот лидер од тогаш.

„Секој разговор со него е добар разговор. А потоа, за жал, бомба паѓа врз Киев или некаде на друго место и многу се лутам“, додаде Трамп.

Фото: принтскрин

Текстот (Видео) „Затоа што не го сака“: Трамп одговори зошто Путин не сака да се сретне со Зеленски е превземен од МАКФАКС.

ПОВРЗАНИ НАПИСИПОВЕЌЕ ОД АВТОРОТ