Во терминот од 16 часот се одиграа три натпревари во Премиер лигата и сите завршија со победи на гостите со идентични 2:0.
Ливерпул во судиското надополнување го скрши отпорот на Брентфорд и оствари нова победа и со тоа го задржа првото место на табелата.
Двоен стрелец за Ливерпул беше Дарвин Нуњез, кој во 91. и 93. минута го матираше голманот Флекен и му помогна на Ливерпул да извлече победа во тешкото гостување.
Во следното коло Ливерпул го пречекува Ипсвич, додека Брентфорд гостува кај Кристал Палас.
Фудбалерите на Фулам на гостински терен го совладаа Лестер со 2:0.
Стрелци за Фулам беа Емил Смит Роу во 48 и Адама Траоре во 68 минута.
Фулам е деветти со 33 бодови, а Лестер е на претпоследното, 19. место со 14 бодови.
Кристал Палас во лондонското дерби победија кај Вест Хем. Палас победи со головите на Жан-Филип Матета во 48. минута и од пенал во 89. минута.
Вест Хем играше со играч помалку од 80. минута, бидејќи Констатинос Мавропанос доби втор жолт картон.
Кристал Палас е на 12. место со 27 бодови, додека Вест Хем е на 14. со бод помалку.
Текстот (Видео) Дарвин херој на Ливерпул кај Брентфорд, победија Фулам и Кристал Палас е превземен од МАКФАКС.
