Шест лица беа повредени, а една жена претрпе сериозни изгореници во нападот врз мирен митинг во поддршка на израелските заложници во Газа во центарот на Болдер, Колорадо, вчера. Вооружениот напаѓач, 45-годишниот Мохамед Сабри Солиман, извикуваше „Слобода за Палестина“ додека фрлаше запаливи направи кон толпата. ФБИ го води инцидентот како терористички напад.
„Тие се убијци!“ извикуваше вооружениот напаѓач додека палеше луѓе
Нападот се случи на улицата Перл, популарна пешачка зона во центарот на Болдер. Толпата учествуваше во неделна прошетка во поддршка на израелските заложници организирана од волонтерската група „Run For Their Lives“.
Видео објавено од Си-ен-ен покажува гол маж со две шишиња во рацете како вика: „Ослободете ја Палестина!“, „Стопирајте ги ционистите!“ и „Тие се убијци!“. Додека полицаец со пиштол се обидува да го запре, сведоците извикуваат: „Фрла молотови коктели!“
A man hurled Molotov cocktails at a pro-Israel hostage protest in Boulder, Colorado, setting multiple people on fire in what the FBI is calling a targeted terror attack.
Follow: @AFpost pic.twitter.com/prp7zPyeNE
— AF Post (@AFpost) June 1, 2025
Меѓу повредените имало постари лица – на возраст од 67 до 88 години. Некои претрпеле полесни повреди, додека други тешки изгореници.
Една жена морала да легне на земја и да се превртува за да го изгасне пламенот на себе.
Полицијата го идентификуваше вооружениот напаѓач како Мохамед Сабри Солиман, египетски државјанин чија виза истече во 2023 година. Си-би-ес објави дека му е одбиен азил во 2005 година, а не е јасно кога или како повторно влегол во Соединетите Држави. Властите потврдија дека дејствувал сам и дека не се бараат други осомничени.
Солиман е исто така повреден и однесен во болница, но природата на неговите повреди е непозната.
Шефот на канцеларијата на ФБИ во Денвер, Марк Михалек, рече дека напади како овој станале премногу чести низ целата земја.
„Напаѓачите продолжуваат да им се закануваат на заедниците низ САД“, рече тој.
Заменик-директорот на ФБИ, Ден Бонгино, рече: „Ова е терористички чин кој се истражува како идеолошки мотивирано насилство. Ќе проговориме кога фактите ќе го оправдаат тоа.“
Министерството за правда на САД го нарече нападот „злобен чин на насилство“, во контекст на неодамнешните напади врз Евреите во САД.
Текстот (Видео) Во Колорадо, маж фрли молотови коктели и запали луѓе, шестмина повредени е превземен од МАКФАКС.
