Дури 24 брода, потопени за време на битката кај Иво Џима, во која Американците и Јапонците се судрија во последните месеци од Втората светска војна, испливаа од морското дно до брегот на тој јапонски остров.
Advertisements
Причина за вакавата ненадејна појава е движењето на морската почва поради активноста на вулканот – планина Сурибачи, пишува „Дејли мејл“.
На снимката објавена од јапонската телевизиска мрежа „АНН“ се гледаат остатоците од 24 транспортни бродови кои биле запленети од Американците, а потоа преместени во западниот дел на островот за да послужат како основа за формирање на пристаниште кое не постоело на островот во тоа време.
Овие јапонски бродови служеле како еден вид одбрана од бранови и ветер за американските бродови од кои се симнувало војска, оружје и опрема.
