Вакцината Модерна го носи името на компанијата која ја произведува, но од неодамна веќе се дистрибуира и под новата назнака, Спајквакс (Spikevax).
Во тој контекст, Полска, која има залихи од оваа вакцина, одлучи да донира поголем дел за соседна Србија.
Во Македонија Модерна/Спајквакс досега не била дистрибуирана, иако има Македонци кои ја примиле надвор од земјава. Се работи за вакцина базирана на мРНК технологијата, исто како и една од најчесто даваните вакцини, Фајзер/Бионтек.
Европската агенција за лекови веќе го усвои името Спајквакс во нивните официјални документи и од пред неколку дена ја одобри како бустер доза, заедно со вакцината на Фајзер.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
