Најмалку 14 лица загинаа во поплавите што ги погодија Грција, Бугарија и Турција, а Скај њуз јавува дека се откриени повеќе жртви, но бројот се уште не е познат. Потврдена е смртта на 14 лица, додаваат тие.
Потврдена е смртта на три лица, а четворица се водат за исчезнати во централна Грција откако поројниот дожд поплави домови и деловни објекти. Властите трагаат по исчезнати лица, рече министерот за климатски кризи и цивилна заштита Василис Кикилијас.
Во соседна Турција, најмалку седум лица загинаа во поројните поплави кои предизвикаа обилни врнежи во северозападниот дел на таа земја.
Во Бугарија од поројните дождови, кои во вторникот го зафатија брегот на Црното Море, загинаа четири лица, соопштија властите во средата, а илјадници туристи беа погодени од катастрофите.
Бурата Даниел предизвика лизгање на земјиштето, уништени мостови, соборени столбови за струја и однесе десетици автомобили, само неколку дена по гаснењето на смртоносниот двонеделен шумски пожар на северот.
Телото на една постара жена е пронајдено во близина на брегот кај пристанишниот град Волос, додека 10 лица останале заробени во областа, изјави локалниот градоначалник Михалис Мицикос за телевизијата Скаи. Еден човек загина во вторникот откако се урна ѕид. Надојдена река ги поплави патиштата и железничката станица во крајбрежниот град Волос, јави репортерот на Ројтерс. Десетина луѓе останаа заглавени на насипот во Пелион, изјави локалниот градоначалник.
Жителите велат дека никогаш не доживеале толкава количина на врнежи. Во вторникот во Волос наврнале околу 10 пати повеќе од месечните врнежи.
Скај њуз, исто така, известува дека стотици британски туристи се заглавени на нивните дестинации по невремето кое предизвикало носење на автомобили и поплавени улици.
Еден турист рече дека центарот на Скијатос, Грција, е под вода и ја опиша ситуацијата како застрашувачка. Се вели дека останале без храна на островот, а не можат да заминат бидејќи летовите им се откажани./Makfax
