Последниот бран на ковид-19 во Британија ги принуди авиокомпаниите, вклучувајќи ги „Easy Jet & lt“ и „British Airways“, да откажат стотици летови во последните неколку дена, бидејќи бројот на болни членови на екипажот во авионите продолжува да расте.
Претходно оваа година, Англија ги укина сите ограничувања за коронавирусот, вклучително и законската обврска за самоизолација кога тестот е позитивен и потребата да се носат маски на јавни места, пренесува Гардијан.
Бројот на случаи на ковид-19 во Велика Британија почна да расте на почетокот на минатиот месец, а до крајот на неделата на 26 март се веруваше дека еден од 13 лица е позитивен на вирусот, што е највисок број од пандемијата.
Easy Jet & lt откажа повеќе од 200 летови за време на викендот и најави дека денеска ќе бидат откажани уште 60.
Бритиш ервејс, исто така, откажа мал број летови во неделата, наведувајќи дека проблемот со корона вирусот ги погодува авиокомпаниите, аеродромите и воздушниот сообраќај воопшто.
